maimoments by eiderfernandez

La vida está hecha de momentos. Está en nuestra mano vivirlos.

Haurrak “gaizki ohitzearen” beldurra

·

Gaur Laura Gutmanen hainbat bideo ikusi ditut. Orain dela hilabete gutxi emakume honek idatzi dituen liburuetako bat ere irakurri nuen: “La maternidad y el encuentro con la propia sombra”. Eta bere lana ezagutzen dudan heinean, geroz eta gehiago gustatzen zait. Edo gustokoa izatea baino, nere barrenarekin bat datorrela konturatzen ari naiz.

Aipatu dudan liburuan (“La maternidad y el encuentro con la propia sombra”) puntu ugari ikutzen ditu baina gaur haurrak “gaizki ohitzearen” beldurrari buruz arituko naiz. [Read more…]

Ia bederatzi

·

Ez daukat inolako fijaziorik zenbakiekin, baina azken bi postetan, hauek dira protagonista. Azkenen idazten hasteko aitzakia besterik ez dira. Datorren astean Jarek 9 hilabete beteko ditu. Bederatzi hilabete tripa barruan eta beste bederatzi kanpoan :) Bederatzi hilabete nobedadez josita. Bederatzi hilabete amagandiko edoskitze zoragarriaz (hasiera gogor xamarra, baina hori beste post baterako utziko dugu), eta bederatzi hilabete bizitza berri hontaz disfrutatzen (batzutan, pixkat sufritzen ere, ez dugu ukatuko, baina zorionez gutxieneko momentuak).

Haurra jaio zenean jende guztiak gauza bera esaten zidan: “Disfrutatu denbora oso azkar doa eta”. Eta halaxe izan da. Gure neskatxa, ume jaio berri bat izatetik, bihurri aurpegitxoa hartzen ari den umea izatera pasatzen ari da. Gero, gerokoak :)

Hamar, zazpi, sei…

·

Bai ia 10 hilabete idatzi gabe. Jarek dagoeneko 7 hilabete eta 6 egun ditu… eta azken hilabetetan hainbat post idazten hasita baina azkenean argirik ikusi gabe gelditu dira danak. Haurdun nengoenean gogo handirik ez eta orain ttikia gurekin dagoela, nahi bai, baina ezin. Eta are gutxiago lanean hasi nintzentik. iPhonetik nolabait idazten saiatu naiz baina arrakasta handirik gabe. Bizitza zearo aldatu zait ikusteko dago oraindik blog honekiko harremana ere nolabait aldatu den. Ikusiko dugu.

Gertuko bidaiaria

·

 

Azken urtetan, gehien gustatzen zaidan gauza bati eskeini diot nere urteroko opor-garaia: bidaiatzera. Londres, Andaluzia, Danimarka, Tailandia, Malasia, Mexiko, Indonesia… Mota guztietako bidaiak, eta danak mundialak.

Orain berriz, haurdunaldia dela eta, eta datozen hilabetetan egoera berriari moldatzearekin nahiko lan izango dudalako, gertuko bidaiaria bihurtu beharko det. Ez da aukera txarra gertu-gertu ditugun altxorrak ezagutzeko, ez dalako beti oso urrutira joan behar leku zoragarriak ezagutzeko. Pasa den asteburuan Bizkaiko kosta zati eder bat estrenatu genuen. Mundakako egun pasa, ezinhobea.

Galtzerdi bakartia

·

“Galtzerdi bakartia” da blog honen izena. Baina izenburuak tristea xamarraren itxura badu ere, ez da hori nire asmoa izan, ezta gutxiago ere.
Orain dela bi urte Jonekin Mexikon zehar egindako bidaian ikusitako labanderi baten izena da: “Lavandería El Calcetín Solitario”. Lastima kotxean gindoazela eta argazkitxo bat ateratzeko aukerarik ez genuela izan, baina izenak grazia egin zigun eta bidaian eta baita bidaiaren ondoren ere, sarritan gogoratzen dugu.